Sailor Moon 呢個 IP,一啲都唔易搞。
 
繼上次大成功嘅聖杯香水,香港製作團隊 The Fabulous 同我傾呢個 Project 已經差不多兩年,香水樽製作上差不多要完全還原動畫中嘅【幻之銀水晶】,先可以通過審批。
 
咁有啲乜嘢咁特別呢?樽蓋上面係18粒精細折射切割嘅真水晶,唔夠閃都通唔過審批。就連下面個玻璃樽身都要做埋個特別切割,達到一致嘅效果。至於包裝盒,一打開你會見到跟足原著嘅月亮王國城堡,底部細心地做返個反光面,令到水晶嘅折射感更強。香水由英國廠房調配、製造,再空運抵港。
 
Fluztop 可以獨家預售,十分感激 The Fabulous 嘅信任。由於造工複雜,首批數量唔多,Sailor Moon 嘅 Fans 想第一時間得到,就要快啲預訂喇﹗