【以下係K仔親自經驗,如要求正式醫學建議或治療,切勿讀下去】
 
1. 【Collagen supplements 有效?冇效?】近期科學文獻:對【皮膚有效】。對部份關節炎:【食六個月】有改善。K仔食咗2個幾月 Nippi,皮膚有明顯改善、彈咗好多、指甲有多咗光澤。退化關節炎及爛半月板部份:未有明顯改善。但會keep 住食。
 
2. 【食 Collagen Supplements 點解可以增加身體 collagen?】三個可能性:
(a) Collagen supplements 消化入咗腸成氨基酸吸收入血,再運送到需要嘅器官再造骨膠原。如果呢個原因係真嘅,咁食啫喱同食骨膠原補充劑效果應該一樣。因為大家嘅氨基酸差唔多、亦係同一來源。都有差唔多份量嘅 glycine, proline, hydroxyproline。但實際上 collagen supplements (多數係水解Collagen) 對皮膚嘅幫助,比啫喱高好多。
(b) Collagen supplements 消化後生成 oligopeptides (寡肽,由二、三個氨基酸組成嘅肽),刺激免疫系統話呢D係食物。叫佢唔好攻擊同分解身體嘅膠原蛋白。呢個係最近嘅發現食咗collagen supplement 真係會增加血液裏面嘅寡肽。
(c) 另一個可能性係寡肽會刺激身體製造多D collagen。呢啲製造collagen 膠原料氨基酸係由其他食物而來。
 
3. 不論乜嘢原因,collagen supplements (其實係水解膠原蛋白) 都會令到需要膠原蛋白嘅器官得到額外嘅膠原蛋白。從而達致醫療及美容作用。K仔嘅皮膚因此彈咗好多。
 
4. 膠原蛋白分子量係好重要,你就咁搽啲膠原蛋白 cream 係冇可能入到皮膚深層,因為分子量太大。而食嘅膠原蛋白如果分子量較細就容易吸收,易容易變成寡肽。所以正確選擇合適嘅collagen supplement係好重要嘅。