經常都會有新品牌send嘢俾我,要求我幫手宣傳,有時我會要求攞埋嚟 Fluztop上架。

 

要吸引到我上架,通常有三大要求:

 

1. 真正有質素,功能效果有根有據

2. 最好係香港品牌,良心供應商

3. 唔係一街都係,泛濫市場的產品

 

今次遇到嘅 Surya RO 三合一淨水機,符合晒三個條件,依?咪住,攞埋嚟俾我做個地獄測試,過到關先諗下上唔上架啦。

屋企有用開P字頭嘅大品牌RO水機,當然就會直接比較,Surya呢部明顯比較大部,尤其是深度,真係要有返咁上下地方先擺到。大部都有原因嘅,個水箱有成4L,唔使一日fill三次水。室溫、暖水、熱水即時飲用功能,可以自行調節溫度,呢啲基本。另外部機內置沖茶/咖啡功能,用茶葉/茶包/咖啡粉/Capsule都得,即係一機三用。

 

最大賣點係佢有三重韓國原裝濾芯:第一重係GAC活性碳濾芯,去除泥沙、鐵鏽及其他大粒雜質、水中漂白粉、異味同顏色;第二重係T33濾芯,進一步除氯、除味、有機物、攔截碳粉等微粒;第三重係RO逆滲透過濾,高效去除細菌、重金屬等有害物質。

三重濾芯係咪好過一重?睇吓機身個顯示屏就知,佢會顯示水箱入面同濾出嚟嘅水嘅TDS值(Total dissolved solid),TDS越低,代表雜質越少。世衛嘅安全飲用水建議標準係TDS300以下,Surya濾出嚟嘅淨水,TDS通常係10以下,非常之接近純淨水。

 

然後我就開始同同事做地獄測試,先用水溝大量豉油、Wasabi、白醋、牛奶,倒入水箱做測試,TDS數值直線飆升至999爆錶水平,濾芯用咗少少時間消化,然後出水⋯⋯係一杯清純嘅水﹗無色無味,TDS值只有11嘅淨水﹗我一連濾咗三杯水出嚟,全部結果都非常滿意,然後,我當然唔會比佢停,下一個測試:濾可樂﹗

 

我地將成罐可樂倒入水箱,濾芯經過前一輪摧殘,今次要多啲時間⋯⋯當我地都覺得呢件事其實冇乜可能嘅時候,佢又出水啦,又係完全無色無味嘅淨水﹗

 

喺飲緊呢杯過濾可樂嘅時候,我同同時講:「快啲上架,要多啲宣傳,真係好嘢。」

 

不過勁還勁,我做嘅地獄測試會令濾芯超負荷,做完就要換芯,所以勸大家唔好亂咁試喇~